48 yaşlı Anna Matil Avstriyanın ən gözəl göllərindən biri sayılan Mondze gölünün sahibi olub. O, bu təbii incini 2024-cü ilin yayında hədiyyə olaraq alıb. Yeni sahibənin ilk addımı — icarə müqavilələrini ləğv etmək olub ki, bu da yerli əhalinin narazılığına səbəb olub, xəbər verir focus.ua.Mondze gölü 14 kvadrat kilometr sahəyə malikdir və Avstriyada ölçüsünə görə beşincidir. Göl məşhur və mənzərəli Zaltskammergut bölgəsində yerləşir. Hər il milyonlarla turist burada çimərkən, yelkənli idmanla məşğul olur, kristal təmiz suda dalış edir. Bu barədə Bild nəşri yazır.Artıq bu təbii cənnət Anna Matilə məxsusdur və o, öz qanuni hüququndan istifadə edərək icarə müqavilələrini ləğv edib. Nəticədə yüzlərlə qayıq evi və körpü icarədən çıxarılıb.Yeni sahibə bildirib: “Əgər mənim yazılı və ya qanuni icazəm yoxdursa, gölün istər şəxsi, istərsə də kommersiya məqsədli istifadəsi qadağandır”. Napoleondan gələn mirasMatil ailəsi bu gölə 1809-cu ildən sahibdir. Onun anasının ulu babaları bu gölü Fransa imperatoru Napoleon Bonapartdan hədiyyə olaraq alıblar.Mondze bələdiyyə başçısı Yozef Vendtner mülkiyyət dəyişikliyinə münasibət bildirərək deyib: “Yalnız gölün dibi — torpaq hissəsi — xanım Matilə məxsusdur. Su isə dövlətə aiddir. Hər kəs Mondze gölündə üzə, qayığa minə bilər. Turistlər bu dəyişiklikdən təsirlənməyəcək”.Onun sözlərinə görə, dəyişiklik yalnız gölün dibinə bərkidilmiş 150 lövbərin (boyalı qayıq yerlərinin) sahiblərinə və bəzi qayıq evlərinə aiddir — onlar icarə haqqı ödəməlidirlər.“Bəlkə də bu, sadəcə anlaşılmazlıqdır, — deyə bələdiyyə başçısı əlavə edib, — xanım Matil sadəcə özünü yeni sahibi kimi təqdim edib və köhnə müqavilələrin onun adına yenilənməsini istəyib”.
Ulusum.az
Diqqət Çəkənlər
“Bananı da yumaq lazımdır!” – Ekspert
Sabah günəşli, +34‑36 °C hava sizi gözləyir
Mask deyir ki, Avropa İttifaqı demokratiyanı məhv edir
