Ukrayna Rusiyanın bir sıra vilayətlərinə PUA zərbələri endirib.
AzPost SHOTa istinadən bildirir ki, Voronejdə ən azı beş partlayış baş verib. İlkin olaraq hava hücumundan müdafiə qüvvələri şəhərin üzərində Ukrayna PUA təyyarələrini vurub.
Yerli sakinlər bildiriblər ki, Voronej üzərində partlayış səsləri eşidilib. Şəhərin şimal hissəsində səmada partlayışların parıltıları görünüb. Hazırda tələfat və dağıntılar barədə rəsmi məlumat yoxdur.
Ukrayna Silahlı Qüvvələri artıq ikinci gündür ki, Voronejə hücum edir. Dünənki pilotsuz təyyarə reydi zamanı 4 nəfər yaralanıb. Ümumilikdə 25 PUA vurulub.
Volqoqrad vilayətinin Mixaylovka və Frolovo şəhərləri üzərində də partlayış səsləri eşidilib. Yerli sakinlər Ukraynanın “Lyutı” tipli PUA-larında hava hücumundan müdafiə işləri apardığını bildirirlər.
Hadisə şahidlərinin SHOT-a verdiyi məlumata görə, təxminən ardıcıl 5-7 partlayış səsi eşidilib. İlkin məlumatlara görə, hava hücumundan müdafiə sistemi Ukrayna PUA-larına qarşı işə salınıb. Yerli sakinlərin sözlərinə görə, pilotsuz təyyarələr alçaq hündürlükdə uçub. Hələlik rəsmi məlumat yoxdur.
Həmçinin Volqoqrad və Tambov hava limanlarında “Xalça” planı elan edilib.
