BAKI, 4 avqust. TELEQRAF
Bu gün UEFA Çempionlar Liqasında pley-off mərhələsinin püşkatma mərasimi baş tutacaq.
Teleqraf xəbər verir ki, püşkatmada Azərbaycan təmsilçisi "Qarabağ"ın da potensial rəqibi bəlli olacaq.
"Köhlən atlar"ın Şimali Makedoniyanın "Şkendiya" klubu ilə cütünün qalibi “Budo/Qlimt” (Norveç) və ya “Seltik” (Şotlandiya) komandaları ilə, yaxud “Malmö” (İsveç) – “Kopenhagen” (Danimarka), “Lex” (Polşa) – “Srvena Zvezda” (Serbiya) və “Ludoqorets” (Bolqarıstan) – “Ferentsvaroş” (Macarıstan) cütünün üstün tərəfi ilə üz-üzə gələcək.
İsveçrənin Nyon şəhərində təşkil olunacaq püşkatma mərasimi Bakı vaxtı ilə saat 14:00-da başlayacaq.
Pley-off mərhələsinin oyunları 19-20 və 26-27 avqustda keçiriləcək.
Qeyd edək ki, "Qarabağ"ın "Şkendiya" ilə ilk görüşü avqustun 5-də səfərdə, 12-də isə Bakıda oynanılacaq.
