XANKƏNDİ, 4 avqust. TELEQRAF
“Hazırda Xankəndi şəhəri, Ağdərə, Xocalı rayonları ərazidsində 15 mindən çox əhali yaşayır. Bu şəxslər həm keçmiş məcburi köçkünlər, həm də özəl və dövlət müəssislərində çalışan şəxslər və onların ailə üzvləridir”.
Teleqraf-ın Xankəndiyə ezam olunan əməkdaşı xəbər verir ki, bunu Xankəndi şəhərində, Ağdərə və Xocalı rayonlarında Prezidentinin xüsusi nümayəndəsi Elçin Yusubov deyib.
“2025-ci ilin köç planına əsasən Xocalı rayonun 11 , Ağdərə rayonun isə 7 kəndində təmir bərpa işləri aparılır. İlin sonuna qədər 10 min şəxs doğma yurlarına qayıdacaq”.
