"Google Maps" vasitəsilə Çilinin cənubundakı ucqar bir dağın zirvəsində aşkar edilən "sirrli üz" UNO tədqiqatçılarını və sosial şəbəkə istifadəçilərini heyrətləndirib. Bəzi həvəskarlar bu tapıntının əcnəbilərin bazasının mövcudluğuna dəlalət edə biləcəyini düşünür.
HİT.az bu barədə "Daily Mail"ə istinadən xəbər verir.
Dağın şəklini UNO ovçusu Skott S. Uorinq ictimayətə açıqlayıb. O, bu kimi təsvirlərin qədim mədəniyyətli əcnəbilərlə əlaqəli ola biləcəyi nəzəriyyəsini irəli sürüb. UNO tədqiqatçısının paylaşımı internetdə böyük rezonans doğurub.
"Bu, həqiqətən də bu günə qədərki ən əhəmiyyətli tapıntıdır! Bravo!", deyə şərh yazanlardan biri qeyd edib.
Lakin mütəxəssislərin gördükləri barədə rasionallığı izahı var. Linkoln Universitetindən doktor Robin Kramer deyir ki, insan beyni təsadüfi formalarda üzlər görməyə meyllidir - bu fenomen "pareidoliya" adlanır.
Alim izah edir: "Üzləri tanıma sistemimiz elə təkamül etmişdir ki, daha təhlükəsiz tərəf seçsin – yəni həqiqi üzü görməməkdənsə, olmayan yerdə üz tanımaq daha yaxşıdır (Ehtiyatlı olmaq gərəksiz olmaqdan yaxşıdır)."
Milli Səhiyyə İnstitutundan doktor Syuzen Uordl isə əlavə edib ki, pareidoliya normal haldır, lakin onun tezliyi şəxsi inanclarla bağlı ola bilər.
Samir
