Sia Az saytından alınan məlumata görə, ain.az bildirir.
Yapon avtomobil istehsalçısı tərəfindən xüsusi olaraq Hindistan və digər inkişaf etməkdə olan ölkələr üçün hazırlanmış kompakt krossover Toyota Raize-nin Rusiya avtomobil bazarında satışı bərpa edilib.
SİA-nın məlumatına görə, avtomobilin büdcə seqmentinə aid olmasına baxmayaraq, onun Rusiyada qiyməti 2 milyon rubldan başlayır.
Omskdan bir şirkət, göstərilən məbləğə yeni Raize gətirməyi təklif edir. Onlar 2 milyon rubla 87 at gücündə əsas 1,2 litrlik atmosfer mühərriki və mexaniki transmissiyada olduğu kimi V-kəmər mexanizmini və dişliləri birləşdirən D-CVT variatoru olan sağ sükanlı avtomobili qiymətləndirdilər. Konfiqurasiyadan və satış şəhərindən asılı olaraq, Toyota Raize qiymətləri əhəmiyyətli dərəcədə dəyişə bilər.
Beləliklə, Omskda qiymətlər 2 milyon 485 min rubla, Soçidə 2 milyon 490 min rubla, Moskvada 2 milyon 590 min rubla, Maqnitoqorskda isə 3 milyon rubla çatır.
Satışa çıxarılan avtomobillərin əksəriyyəti 98 at gücünə malik 1,0 litrlik üç silindrli benzin turbomühərriki 1KR-VET və “mexanika”da olduğu kimi V-kəmər mexanizmini dişlilər dəsti ilə birləşdirən D-CVT variatoru ilə təchiz edilib.
Toyota Raize-nin bütün versiyaları yalnız ön təkərlərə malikdir.
Xatırladaq ki, bundan əvvəl Toyotanın Avropada yenilənmiş bZ4X elektrik krossoverinin satışına başladığı məlum olmuşdu. Bu arada, alman və yapon brendləri 2025-ci ildə Rusiya avtomobil bazarının 7 faizini tutur.
Nazlı Almuradova
Ən son xəbərləri və yenilikləri almaq üçün ain.az saytını izləyin.
