Rusiya Prezidenti Vladimir Putin işğal altında olan Donetsk bölgəsinə təyin etdiyi qubernator Denis Puşilinlə görüşüb. Görüşdə əsas müzakirə mövzusu – bölgədəki su çatışmazlığı olub.
Putin, bölgəyə çəkilmiş yeni su kəmərinin hələ tam gücü ilə fəaliyyət göstərmədiyini bildirib. Dövlət qurumlarından aldığı məlumata əsasən, suyun ötürülməsi zamanı ciddi itkilərin yaşandığını qeyd edib.
Denis Puşilin isə su problemini bölgənin ən ciddi çağırışı adlandırıb. Onun sözlərinə görə, Ukrayna qüvvələrinin su blokadası nəticəsində vəziyyət daha da gərginləşib.
Hazırda Donetsk-Makiivka bölgəsində sakinlərə üç gündən bir bir neçə saatlıq su verilir. Yenakiyevə və yaxın ərazilərdə bu müddət dörd günə qədər uzanır. Mariupolda isə su iki gündə bir təchiz olunur.
Puşilin bildirib ki, belə qrafik boru xətlərinə daha çox ziyan vurur və gündə 100-ə yaxın nasazlıq bərpa olunur.
2022-ci ildə Rusiya tərəfindən işğal olunan Donbas bölgəsinin əsas su mənbəyi – Severski Donets-Donbas kanalı, hərbi əməliyyatlar nəticəsində sıradan çıxmışdı. Bunun əvəzinə Rusiya Don çayından bölgəyə su gətirən yeni penstok xətti çəkmişdi.
Bununla belə, uzun illərdir təmir olunmayan infrastruktur və davam edən hərbi münaqişə su problemini daha da dərinləşdirir.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
