ain.az, Bizimyol portalına istinadən məlumat verir.
Dünyanın müxtəlif ölkələrində qızılca, göy öskürək, vərəm və qrip kimi təhlükəli və çox yoluxucu xəstəliklər yenidən alovlanmağa başlayıb.
Bizimyol.info xəbər verir ki, mütəxəssislər bunu COVID-19 pandemiyası zamanı bir çox uşaqların lazımi peyvəndləri almaması və ümumilikdə peyvəndləmə səviyyəsinin xeyli aşağı düşməsi ilə əlaqələndirirlər.
Qızılca ən yoluxucu infeksiyalardan biri hesab olunur - bir xəstə 18 nəfərə qədər yoluxa bilər. Hazırda Avropa, ABŞ, Böyük Britaniya və digər ölkələrdə qızılcaya yoluxanların sayı artır. Bəzi bölgələrdə epidemiyalar uzun illər ərzində ilk dəfə baş verir.
“100 günlük öskürək xəstəliyi” kimi tanınan göy öskürək də geniş vüsət alır. Çində ötən illə müqayisədə yoluxanların sayı on dəfə artıb, artım Avropa ölkələrində də müşahidə olunur.
Vərəmlə bağlı vəziyyət heç də az qorxunc deyil. Bu xəstəlik koronavirusdan sonra dünyada ən ölümcül xəstəliklərdən biri olaraq qalır. Dərmana davamlı vərəm xüsusilə təhlükəlidir - 2023-cü ildə bir milyona yaxın belə hal aşkar edilsə də, onların yarısından azı müalicə olunub. Həkimlər bildirirlər ki, pandemiyadan sonra bir çox insanın ümumi immuniteti azalıb.
Bu, uzun müddət maska taxmağımız, sosial təmasdan qaçmağımız və başqa viruslarla qarşılaşmamağımızla bağlıdır - bu, bədənimizin immunitet sistemi üçün təlim almadığını göstərir.
Mütəxəssislər peyvənd cədvəllərini bərpa etməyə və peyvəndləri təxirə salmamağa çağırırlar. Yalnız kütləvi immunizasiya təhlükəli infeksiyaların yayılmasını dayandıra və insanları, xüsusilə uşaqları, qocaları və sağlamlığı zəif olanları qoruya bilər.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
