“Kongsberg Defence & Aerospace” (KONGSBERG) və “Advanced Protection Systems” şirkətləri birgə antidron sistemləri inkişaf etdirəcək.
“Poliqon” KONGSBERG-ə istinadən xəbər verir ki, bunun üçün şirkətlər arasında tərəfdaşlıq sazişi imzalanıb.
Bildirilib ki, Bu strateji əməkdaşlıq çərçivəsində tərəflər bir-birini tamamlayan qabiliyyətlərə malikdirlər. Belə ki, Polşanın “Advanced Protection Systems” şirkəti radarlar və antidron sistemləri üzrə ixtisaslaşmış istehsalçıdır. Norveçin “Kongsberg Defence & Aerospace” şirkəti isə orta və yaxın mənzilli hava hücumundan müdafiə sistemləri, o cümlədən C-UAS (Counter-Unmanned Aerial Systems) texnologiyaları sahəsində beynəlxalq təcrübəyə malik müdafiə şirkətidir.
Saziş çərçivəsində tərəflər aşağıdakı sahələrdə əməkdaşlıq edəcəklər:
C-UAS üzrə biznes imkanlarını birgə müəyyənləşdirmək və izləmək;
Radarlar, sensor birləşməsi (sensor fusion), komanda və idarəetmə (C2), eləcə də kinetik və qeyri-kinetik cavab sistemlərini birləşdirən ortaq həllər təklif etmək, təmin etmək və icra etmək;
Yüksək performanslı, genişlənə bilən və NATO ilə uyğunlaşdırılmış C-UAS sistemləri yaratmaq üçün həssas texniki və kommersiya məlumatlarını mübadilə etmək.
