Uşaqlar da böyüklər kimi stresslə qarşılaşa bilirlər. Onların stress səbəbləri yaş dövrlərinə və şəraitə görə dəyişir.
Pravda.az bildirir ki, oyuncağını itirən bir uşaq da, dostları tərəfindən qəbul olunmayan bir yeniyetmə də stress yaşayır.
Stressə səbəb olan başlıca faktorlar arasında xroniki xəstəliklər, ailə problemləri, təhsil mühiti və sosial təcrid kimi hallar var. Mütəxəssislər bildirirlər ki, uşaqlarda stressin idarəsi üçün əsas addımlar bunlardır:
Stressin səbəbi müəyyən olunmalı, uşağın davranışları diqqətlə izlənməlidir.
Müdaxilə üsulu seçilməli –məsələn, dərs çətinliyi yaşayan uşağa uyğun proqram tərtib edilməlidir.
Effektiv ünsiyyət qurulmalı, uşaqlar problemin birgə həllinə təşviq olunmalıdır.
Ailə və məktəb əməkdaşlığı gücləndirilməlidir, çünki uşaq həm evdə, həm məktəbdə dəstək hiss etməlidir.
Mütəxəssislər bildirirlər ki, stressin qarşısının alınmasında müəllim, valideyn və məktəb rəhbərliyi birlikdə çalışmalıdır.
Əminə Bayramova
