Olaylar.az xəbər verir ki, bu barədə Polşanın Milli Təhlükəsizlik Bürosunun rəhbəri, general Dariuş Lukovski "Rzeczpospolita" qəzetinə müsahibəsində bildirib.
"Bu ssenarinin şişirtməyə əsaslandığını düşünürəm", - deyə Lukovski vurğulayıb. Onun fikrincə, Qrinkevicin bəyanatının birinci məqsədi Avropa müttəfiqlərinə təzyiq göstərmək və onları hərbi potensiallarını artırmağa məcbur etmək olub. İkinci məqsəd isə ABŞ daxilindəki siyasi proseslərlə bağlıdır. "Təhlükələrə diqqət çəkmək, Avropadakı ABŞ qoşunlarının yerləşdirilməsinin yenidən nəzərdən keçirilməsi ilə bağlı daxili siyasi təzyiqin bir hissəsidir," - deyə o əlavə edib.
Polşalı kəşfiyyatçı qeyd edib ki, yaxın perspektivdə Avropada münaqişə riski azdır, lakin uzunmüddətli təhdidlər real olaraq qalır.
Qeyd edək ki, daha əvvəl Rusiya prezidenti Vladimir Putin də NATO ölkələrinin "Rusiya təhdidi" ilə bağlı qorxu ssenarisi uydurduğunu və xalqa yalan məlumatlar təqdim etdiyini bildirmişdi.
