Müasir cəmiyyətin gündəlik menyusunda yer alan bir çox məhsul var ki, onlar nə qədər populyar və əlçatan olsalar da, nə sağlamlıq, nə də büdcə baxımından fayda gətirmir. “
News24.az xəbər verir ki, "Həyat iksiri” bloqunun müəllifi bu tip məhsulların sadəcə zərərli vərdişlər yaratdığını, amma praktik olaraq bədənə heç bir xeyir vermədiyini vurğulayır.
1. Dənli bitkilər və qarğıdalı lopaları
Əsasən uşaqların səhər yeməyində üstünlük verdiyi bu məhsullar rahat və ucuz görünsə də, tərkibində yüksək miqdarda sürətli karbohidratlar var. Bu da qan şəkərinin oynaq vəziyyətə düşməsinə və acqalmanın tezləşməsinə səbəb olur. Daha sağlam alternativ: tam taxıllar və yulaf ezmesi.
2. Emal edilmiş pendirlər
Ucuzluğu ilə diqqət çəkən emal pendirləri əslində çoxlu sayda əlavə maddə və dadlandırıcı ilə doludur. Onların real pendirlə ortaq cəhətləri olduqca azdır. Daha faydalı seçimlər – təbii sərt pendirlər və ya kəsmik məhsullarıdır.
3. Hazır qəhvə
Bir zamanlar populyar olan hazır qəhvə tərkibinə görə artıq təbii qəhvədən geri qalır. Aroma vericilər və dad artırıcı maddələr təbii qəhvənin yerini heç vaxt tuta bilməz. Daha yaxşı seçim: təzə üyüdülmüş qəhvə dənələri.
4. Mayonez və ketçup
Bu souslar yeməklərə ləzzət versə də, nişasta, şəkər, konservant və qatqılarla zəngindir. Sağlam alternativlər: ev şəraitində hazırlanmış souslar və sarğılar.
Aqil
