ain.az xəbər verir, Fanat saytına əsaslanaraq.
Rusiyanın Altay vilayətinin Barnaul şəhərində Gennadi Smertinin xatirəsinə həsr olunmuş beynəlxalq turnir keçirilib.
Fanat.Az-ın əldə etdiyi məlumata görə, aşağı yaş qrupları üzrə komandalar arasında doqquzuncu dəfə təşkil olunan turnirə "Neftçi"nin 12 yaşlıları da qatılıb.
Avqustun 2-5-i aralığında keçirilən yarışda 16 iştirakçı mübarizə aparıb ki, onlardan 12-si yerli, 6-sı Qazaxıstan, Azərbaycan, Özbəkistan və Belarus təmsilçisi olub. İslam Kərimovun müşaiyət etdiyi, Elnur İmanquliyevin isə baş məşqçisi olduğu "ağ-qaralar" C qrupunda Dağıstanın və Ulyanovun "Dinamo Akademiyası" komandaları, həmçinin Qazaxıstanın "Elimay" komandası ilə mübarizə aparıb. Qrup üçüncülüyü ilə kifayətlənən "Neftçi" sonda 11-12-ci yer uğrunda matça çıxıb. Təmsilçimiz son qarşılaşmada Novosibirskin "Sibir" komandası ilə üz-üzə gəlib. Oyunun gedişində 0:3 hesabı ilə geri düşən "Neftçi" sonradan 3 qol vuraraq bərabərliyi təmin edə bilib. Belədə qalib penalti seriyasında müəyyənləşib ki, "Neftçi" "lotoreya"da qalib olaraq turniri 11-ci yerdə başa vurub.
Qalib isə Qazaxıstanın “Kayrat” komandası olub. İkinci yeri Krasnoyarsk “Yenisey”i, üçüncü yeri isə Dağıstan təmsilçisi "Altay" tutub.
Mirağa
Abunə Ol
Daha ətraflı məlumat və yeniliklər üçün ain.az saytını izləyin.
