Hamiləlik dövründə balanslı qidalanma ana və körpənin sağlamlığı üçün çox vacibdir.
Pravda.az bildirir ki, bədən körpənin böyüməsini dəstəkləmək üçün normaldan daha çox qida tələb edir. Yod, dəmir, folat, kalsium və sink kimi əsas qida maddələrinin çatışmazlığı anemiya, yüksək təzyiq, aşağı doğuş çəkisi və digər sağlamlıq problemlərinə səbəb ola bilər.
Hamilə qadınlar üçün tövsiyə olunan qidalar arasında tam taxıllar, paxlalılar, yumurta, balıq, toyuq, süd məhsulları, tünd yaşıl yarpaqlı tərəvəzlər (ispanaq), sarı və narıncı tərəvəzlər (yerkökü, balqabaq, mango), sitrus meyvələri (limon, portağal), gül kələmi, qırmızı bibər, pomidor, zeytun və kanola yağı yer alır. Dəmir və yod əlavəli duz istifadəsi də məsləhət görülür.
Kifayət qədər su içmək, hamiləlik zamanı baş verən ürəkbulanma kimi əlamətlərin yüngülləşməsinə kömək edir. Dehidrasiya isə xüsusən üçüncü trimestrdə erkən doğuşa səbəb ola bilər.
Əminə Bayramova
