ABŞ-ın ən iri banklarından olan JPMorgan Chase və Bank of America, Donald Tramp Ağ Evi 2021-ci ilin yanvarında tərk etdikdən sonra ona xidmət göstərməkdən imtina ediblər. Bu barədə The New York Post öz mənbələrinə istinadla məlumat yayıb.Mənbələrin iddiasına görə, bu qərarın əsas səbəbi 2021-ci il yanvarın 6-da Kapitoli binasına edilən hücum ətrafındakı qalmaqal olub.Nəşrin yazdığına görə, ABŞ-ın maliyyə tənzimləyici qurumları və Federal Ehtiyat Sistemi banklara xəbərdarlıq ediblər ki, Trampın — o dövrdə artıq keçmiş prezidentin — vəsaitlərini saxlamaq, banklar üçün “reputasiya riski” daşıyan şəxslərlə iş görmək qaydalarının pozulması kimi qiymətləndirilə bilər.Bankın yüksək vəzifəli rəhbərlərindən biri qeyd edib:“6 yanvardan sonra Tramp son dərəcə həssas bir mövzuya çevrildi. Tənzimləyicilər bizə açıq şəkildə bildirdilər ki, onunla heç bir işimiz olmamalıdır.”5 avqust tarixində Donald Tramp CNBC telekanalına verdiyi müsahibəsində bildirib ki:JPMorgan ona 20 gün vaxt verib ki, bankdakı “yüz milyonlarla dollarını” başqa kredit təşkilatına köçürsün.O, həmçinin Bank of America-ya 1 milyard dollardan çox məbləğdə depozit yerləşdirməyi planlaşdırdığını, lakin bankın rəhbəri Brayan Moynihan ilə şəxsi danışığa baxmayaraq, bankın bu təklifi rədd etdiyini bildirib.Xatırladaq ki, 2021-ci il yanvarın 6-da, Trampın tərəfdarları, 2020-ci il prezident seçkilərinin nəticələrinin ləğv edilməsi ilə bağlı çağırışlardan sonra ABŞ Konqresinin Kapitoli binasını zəbt etmişdilər. Bu hadisə nəticəsində Konqresin birgə iclası dayandırılmış və Joe Biden-in qələbəsinin rəsmiləşdirilməsi prosesi təxirə salınmışdı.Ulusum.az
Diqqət Çəkənlər
Qəbələdə meşədə köməksiz qalan şəxs xilas edildi - VİDEO
Ukraynada Azərbaycandan qaz qəbul edən stansiya dronlarla vuruldu
Rəsmi Tokio Xirosima bombalamasında ABŞ-ı dilə gətirmədi
