BAKI. 7 avqust. TELEQRAF
Nüfuzlu "France Football" nəşri 2025-ci ilin ən yaxşı kişi futbol komandası mükafatına namizədləri açıqlayıb.
Teleqraf-ın məlumatına görə, qısa siyahıya İspaniyanın "Barselona", İngiltərənin "Çelsi" və "Liverpul", Fransanın PSJ klubları düşüb.
Qalibin adı sentyabrın 22-də Fransanın paytaxtı Parisdə keçiriləcək təqdimetmə mərasimində açıqlanacaq.
Qeyd edək ki, 2024-cü ildə ən yaxşı kişi futbol klubu adına İspaniya "Real Madrid"i layiq görülüb.
