Blobasterlərdən tutmuş animasiyaya, super qəhrəman filmlərindən tarixi dramlara qədər — 2025-ci il çox sayda parlaq film premyeraları təqdim etdi. Hər hansı sensasiyalı filmləri qaçırmısınızsa, indi yetişməyin vaxtıdır.
Hafta.az baxmalı olduğunuz bəzi filmlər barədə məlumat verir:
"Kapitan Amerika: Yeni Dünya"
“Kapitan Amerika”nın yeni hissəsində Entoni Makki ilə Harrison Ford arasındakı qarşıdurma Marvel Studios-a 180 milyon dollara başa gəlib. İlk həftəsonunda istehsal xərclərini ödəmək mümkün oldu. Filmin kassada 190 milyon dollardan çox gəlir əldə etməsi cəmi iki gün çəkdi. Layihənin ümumi gəliri 415 milyon dollardır.
"Supermen"
Supermen heç vaxt çox zəngin olmayıb, lakin filmdə baş rolu oynayan Devid Korensvet çoxlu pul qazanıb. Məlumatlara görə, onun qonorarı 750 min dollar olub. Amma bu, filmin ümumi gəliri ilə müqayisədə çx cüzidir. İyulun 11-də ekranlara çıxan “Supermen” artıq 502 milyon dollar toplayıb.
"Çinatoun detektivi, 1900"
Çinin “Çinatoun detektivi, 1900” filmi son altı ayda ən çox qazanan filmlərdən birinə çevrilib. Hazırda onun kassa gəliri 70 milyon dollarlıq istehsal xərcləri ilə müqayisədə 506 milyon dollardır.
“F1”
“F1” filminin çəkilişləri 200 milyon dollara başa gəlib. Bu vəsaitlər Bred Pittə avtomobil sürməyi öyrətmək, xüsusi avtomobillər, kameralar, qərargahlar və s. hazırlamaq üçün xərclənib. Bununla belə, filmin gəliri xərclərdən iki dəfə yarım çox olub – 510 milyon dollar.
"Əjdahanı necə ram etməli"
2025-ci ildə lentə alınan "Əjdahanı necə ram etməli" adlı canlı filmin çəkilişi orijinal cizgi filmindən 15 milyon dollar ucuz başa gəlib. Ancaq bu, layihənin kassada orijinalı ötməsinə mane olmadı. Nəticədə film müəlliflərə 590 milyon dollar gəlir gətirdi.
"Yura dünyası: Yenidən doğuş"
Aydındır ki, “Yura dünyası: Yenidən doğuş”un təxminən 300 milyon dollarlıq büdcəsinin böyük bir hissəsi onlara sərf olunub. Lakin sürünənlər və baş rolu oynayan Skarlett Cohansson öz tapşırığının öhdəsindən mükəmməl gəldilər. Nəticədə filmin gəliri 718 milyon dolları ötüb.
“Kinoda Minekraft”
İlk üçlük 2025-ci ilin əsl hiti ilə başlayacaq. Tənqidçilər ilk baxışlardan onun tam uğursuzluğunu proqnozlaşdırdılar. Bununla belə, Minekraft pərəstişkarları cəmiyyətin həlledici amil olduğunu sübut etdilər. “Kinoda Minekraft” filmi 955 milyon dollar gəlir gətirdi.
"Lilo və Stitç"
“Lilo və Stitch” hətta 1 milyard dollarlıq kassaya da çata bildi. Bu, yalnız 100 milyon dollarlıq təvazökar bir büdcə ilə edildi. İndi filmin qəhrəmanları yadplanetliləri tutaraq qocalana qədər heç nəyə ehtiyac duymadan yaşaya bilirlər.
"Nezha Əjdaha Kralını məğlub etdi"
Əjdaha Kralını məğlub edərək, balaca Nezha 2,2 milyard dollarlıq böyük bir kassa gəliri qazandı. Bunun sayəsində film "Titanik"dən sonra ən gəlirli film layihələri siyahısında 5-ci yeri tutdu.
