"Qalatasaray" Mauro İkardinin gələcəyi ilə bağlı qərarını verib.
Axar.az xəbər verir ki, ötən mövsümü zədə səbəbindən buraxan 32 yaşlı hücumçu komandada qalacaq.
İstanbul təmsilçisi müqaviləsi 2026-cı ilin yayında başa çatacaq forvardla əlavə 2 illik yeni sözləşmə imzalamaq niyyətindədir.
"Qalatasaray" rəhbərliyi İkardiyə illik 6 milyon avro məbləğində hazırkı maaşını təklif etməyi planlaşdırır.
"Cimbom" argentinalı futbolçunu komanda üçün çox vacib oyunçu hesab edir və müqavilənin tezliklə rəsmiləşməsini istəyir.
Qeyd edək ki, Mauro İkardi 2022-ci ildən "Qalatasaray"ın formasını geyinir.
