«Araz-Naxçıvan»dan ayrılan futbolçuların sayı 7-yə çatıb.
Son iki mövsümü burada keçirən Bayraməli Qurbanov gedən qafiləyə qoşulub.
Yarımmüdafiəçi bundan sonra karyerasını I Liqada davam etdirəcək. O, bu gün «Difai» ilə 1 illik müqavilə imzalayıb.
Bu, Qurbanovun «fədailər»ə ikinci gəlişidir. Qarabağ qazilərinin təmsilçisi 22 yaşlı vingeri 2023/24-cü il mövsümünün ikinci yarısındaicarə əsasında sıralarına qatıb.
Premyer Liqanın bürünc medalçısı onadək Sezar Meza Kolli, Karlos Jatoba, Bernardo Dias (Benni), Miço Kuzmanovi, İqor Ribeyro və Tuqay Əlizadə ilə vidalaşıb.
SPORTİNFO.AZ
