“Fənərbağça” “Arsenal”ın ukraynalı sol cinah müdafiəçisi Aleksandr Zinçenkonun transfer vəziyyəti ilə maraqlanır.
Publika.az xəbər verir ki, bu barədə jurnalist Serkan Hamzaoğlu məlumat verib.
Onun sözlərinə görə, klubun idman direktoru Devin Özek İngiltərədə “Arsenal”dakı həmkarı Andrea Berta ilə ukraynalı futbolçu barədə görüş keçirib. London klubu oyunçunun transferi üçün təxminən 15 milyon avro tələb edib.
Bildirilir ki, “Arsenal” “Fənərbaxça”nın Zinçenko ilə müqavilə şərtlərində razılıq əldə etməsi halında danışıqlarda güzəştə getməyə hazırdır.
