Yeni mövsüm I Liqada çıxış edəcək "Səbail" çempionata hazırlıq çərçivəsində daha iki yoxlama oyunu keçirəcək.
Fanat.Az-ın əldə etdiyi məlumata görə, Elvin Məmmədovun baş məşqçisi olduğu "dənizçilər" aşağı liqa təmsilçiləri ilə gücünü sınayacaq.
Belə ki, Bayıl təmsilçisi 1-ci Liqa klubu "Baku Sportinq" və 2-ci Liqanın debütantı "Xankəndi" ilə qarşılaşacaq.
Oyunların günü və vaxtı ilə bağlı detallar yaxın günlərdə dəqiqləşdiriləcək.
Qeyd edək ki, "Səbail" hazırlıq çərçivəsində ilk sınağını avqustun 8-də "Xudat"a qarşı keçirib və 1:0 hesabı ilə qalib gəlib.
Qeyd edək ki, 2017-ci ildən Premyer Liqada çıxış edən "Səbail" isə 8 ildən sonra I Liqaya yuvarlanıb.
Mirağa
