Nigeriyanın Ebonyi əyalətində güclü yağışların səbəb olduğu daşqınlar nəticəsində 8 nəfərin öldüyü bildirilir. Ebonyi əyalətinin İnsan Resurslarının İnkişafı üzrə Müvəkkili Ann Aligwe verdiyi yazılı açıqlamada, ştatın Afikpo bölgəsində güclü yağışlar nəticəsində daşqınların baş verdiyini bildirib.
Aliqve qeyd edib ki, daşqınlar nəticəsində üçü uşaq olmaqla 8 nəfər həyatını itirib, çoxlu sayda yaralı var.

Aliqve izah etdi ki, 800 hektardan çox kənd təsərrüfatı sahəsi su altında qalıb, 3000 ev təsərrüfatları zərər çəkib və əhali arasında böyük köçkünlük böhranı baş verib.

Aliqve qeyd edib ki, bölgəyə təcili yardım qrupu göndərilib və əlavə edib ki, əyalət hökuməti təbii fəlakət qurbanlarının dəydiyi itkiləri azaltmaq üçün yardım ləvazimatları təqdim edir.

Tropik iqlim qurşağında ölkənin orta illik yağıntıları regional olaraq dəyişir.

Hökumət bu il daşqınlardan 140 228 nəfərin zərər çəkdiyini, 49 205 nəfərin isə köçkün düşdüyünü açıqlayıb.

aia.az
Tərcümə şöbəsi

• Ölüm
• Nigeriya
• Leysan
• Yağışlar