“Yuventus”un hücumçusu Duşan Vlahoviç gələcək karyerası ilə bağlı qərarını verib.
90deqiqe.Az-ın “La Gazzetta dello Sport”a istinadən məlumatına görə, serbiyalı futbolçu mövcud müqaviləsinin sonuna qədər “Yuventus”da qalmaq və yaxşı məvacib almaq istəyir.
Onun klubla razılaşmasına əsasən, növbəti mövsümdə 12 milyon avro qazancı gözlənilir.
Bu səbəbdən Vlahoviç İtaliya klubunda rota oyunçusu kimi çıxış etməyə hazırdır. Eyni zamanda, “Milan” və “Mançester Yunayted” serb forvardın xidmətində maraqlıdır.
Ötən mövsümdə Vlahoviç “Yuventus”un heyətində bütün turnirlərdə 44 oyunda 17 qol vurub və 5 məhsuldar ötürmə edib. Futbolçunun klubla müqaviləsi gələn yay başa çatacaq.
