İkinci Liqada debüt etməyə hazırlaşan “Xankəndi” futbol klubu, daha bir futbolçu ilə anlaşıb.
Operativ Media xəbər verir ki, Qarabağ təmsilçisi Müşfiq Teymurovla 1 illik müqavilə imzalayıb.
Təcrübəli futbolçu karyerası ərzində “Qəbələ”, AZAL, “Şəmkir”, “Xəzər” (Bakı), MOİK, “Karvan” və “Qaradağ Lökbatan” klublarının şərəfini qoruyub.
Qeyd edək ki, Müşfiq Teymurov “Qəbələ”nin heyətində ölkə birinciliyinin bürünc və Azərbaycan Kubokunun gümüş mükafatçısı, Bakının “Xəzər” klubunun heyətində isə, çempionatın qızıl medalçısı olub.
