Tarixdən məlumdur ki, Napoleonun Rusiyadan geri çəkilməsi zamanı onun 600000 nəfərlik ordusu aclıq və xəstəlik səbəbindən məhv olub.
Yeni bir araşdırma ordunun kütləvi ölümünə hansı patogenlərin səbəb olduğunu ortaya qoyub.
“Cebheinfo.az” xəbər verir ki, 1812-ci ilin iyununda I Napoleon Rusiyanı fəth etmək ümidi ilə 500-600 min əsgərlə Moskvaya hücum etdi. Lakin 19 oktyabr 1812-ci il və 14 dekabr 1812-ci il tarixləri arasında Napoleonn ordusu ciddi itkilər verdi.
Xəstəlik və aclıqdan vəziyyəti daha da ağırlaşan 300000-ə yaxın insan soyuqdan öldü.
“bioRxiv”-də dərc olunan araşdırmada alimlər qeyd ediblər ki, o zaman de Kirkhoff adlı həkim əsgərlərin əziyyət çəkdiyi xəstəliklər haqqında kitab yazıb. Xüsusilə, tifi sənədləşdirib. Bununla belə, əsgərlərin əziyyət çəkdiyi xəstəliklər müzakirə və araşdırma mövzusu olaraq qalırdı.
Paris-Cite Universitetinin Paster İnstitutunun və ən müasir aDNA texnikası ilə təchiz edilmiş digər qurumların tədqiqatçıları Napoleonun əsgərlərindən götürülmüş nümunələri yenidən təhlil ediblər. Onlar Napoleonun ordusunu məhv edən yoluxucu xəstəliklərin ilk birbaşa sübutunu təqdim etdilər. Tədqiqatçılar Vilnüsdəki kütləvi məzarlıqda basdırılmış Napoleonun əsgərlərinə məxsus 13 dişdən DNT nümunələri götürüblər.
Onlar iki bakteriyanın varlığını təsdiqləyiblər:
paratif qızdırmasına səbəb olan Salmonella enterica və bitlə gələn təkrarlanan Borrelia recurrentis qızdırması. Tif qızdırmasına bənzər bir xəstəlik olan Salmonella orqanizmə çirklənmiş su və ya qida vasitəsilə yoluxur. Bitlər tərəfindən ötürülən təkrarlanan qızdırma yüksək hərarət, əzələ ağrısı və həddindən artıq zəifliyə səbəb olur. Digər tədqiqatçılar daha əvvəl Napoleonun əsgərlərində bit tapıb.
Aclıqdan ölən əsgərlər Litvada tərk edilmiş evlərdə çəlləklərdə saxlanılan turşu çuğunduru yeyiblər. Onlar şirə içib, turşu yeyiblər, bu da ishala səbəb olub, mədə-bağırsaq traktını qıcıqlandırıb.
Onların formalarına bulaşan bitlər bu zəifləmiş adamları daha da zəiflədib Tədqiqat Napoleon ordusunda dəhşətli ölüm sayına görə tifdən daha çox paratif qızdırmasının məsuliyyət daşıdığına dair ilk birbaşa sübutları təqdim edib.
