Ermənistan hökumətinin başçısı Aİİ-nin hökumətlərarası şurasının növbəti iclasına gələ bilməyəcək. Müvafiq məlumatı çərşənbə günü onun mətbuat katibi təsdiqləyib.
Ermənistanın baş naziri Nikol Paşinyan Aİİ-nin hökumətlərarası şurasının iclasında iştirak etmək üçün Qırğızıstana gəlməyəcək. Bu barədə Ermənistan KİV-nə müsahibəsində onun mətbuat katibi Nazeli Baqdasaryan məlumat verib.
Radar.am xəbər verir ki, o, hökumət başçısının hələ də məzuniyyətdən qayıtmamasına aydınlıq gətirib.
Qarşıdan gələn iclasda Ermənistanı ölkənin baş nazirinin müavini Mher Qriqoryan təmsil edəcək.
Xatırladırıq ki, Aİİ hökumətlərarası şurasının növbəti sessiyası avqustun 15-i cümə günü keçiriləcək.
