Beynəlxalq Enerji Agentliyinin (IEA) avqust ayı üzrə hesabatına əsasən, cari ilin sonuna dünya bazarında neft təklifinin artım tempi sutkada təxminən 2.5 milyon barel təşkil edəcək. Bu, IEA-nın ötən ayki proqnozundan sutkada 370 min barel çoxdur. Agentlik hesab edir ki, 2025-ci ildə mütləq ifadədə bazarda neft təklifi sutkada 105.5 milyon barelə qədər artacaq, 2026-cı ildə isə dəyəri 107.4 milyon barelə çatacaq.
Neft təklifinin artım tempi proqnozunun dəyişdirilməsi səkkiz OPEC+ ölkəsinin neft hasilatını günlük 547 min barel artırmaq qərarı ilə əlaqəlidir. “Reuters” qeyd edib ki, qərar həm də Rusiyadan tədarükün kəsilməsi ilə bağlı narahatlıqlarla bağlıdır.
