“Neftçi”nin baş icraçı direktoru Cenk Sümer yeni mövsümdə əsas məqsədlərinin kuboklar qazanmaq olduğunu bildirib.
İdmanxeber.az-ın məlumatına görə, o, komandanın büdcəyə və baş məşqçinin istəklərinə uyğun transferlər etdiyini, heyətin gücləndirildiyini vurğulayıb:
“Uğurlu mövsüm keçirmək niyyətindəyik. Ötən mövsüm istədiyimiz nəticələr olmadı, bəzi oyunçular xəyal qırıqlığı yaratdı. Amma artıq skaut komandamızı təkmilləşdirmişik. ‘Neftçi’ bir ailədir və bunu təlim-məşq toplanışında da gördük”.
Sümer “Neftçi”nin çempionluğa namizəd olduğunu, camiəni sevindirəcək nəticələr hədəflədiklərini deyib.
Qeyd edək ki, “ağ-qaralar” Premyer Liqada ilk oyununu avqustun 16-da saat 20:00-da “Şamaxı”ya qarşı keçirəcək.
