Avtomobil lizinqi şirkəti "Legion Financial" ASC 2025-ci ilin ilk 6 ayını (yanvar-iyun) 733 min manat xalis mənfəət ilə başa vurub. Şirkət ötən ilin eyni dövrünü 479 min manat xalis mənfəət ilə bağlamışdı. Beləliklə, "Legion Financial"ın xalis mənfəəti 2025-ci ilin 1-ci yarısında ötən ilin eyni dövrü ilə müqayisədə 254 min manat və ya 53% artıb.
Marja.az xəbər verir ki, "Legion Financial" faiz gəlirləri 2024-cü ilin 1-ci yarısında 832 min manat ikən, 2025-ci ilin 1-ci yarısında 1 milyon 760 min manat təşkil edib (2,1 dəfə artıb).
30 iyun 2025-ci iltarixində "Legion Financial" ASC-nin maliyyə lizinqi portfeli 11 milyon 136 min manata çatıb ki, bu da ötən ilin eyni dövrü ilə müqayisədə 4 milyon 151 min manat və ya 59,4% çoxdur.
"Legion Financial" ASC-nin səhmdarları Turan İsmayılov (38,22%), Ramin Süleymanlı (30,55%), Rövşən Soltanov (15,06%), Kolas Konstantin (5,20%) və digər 1 fiziki şəxsdir.
