Avropa Komissiyasının sözçüsü Ariana Podesta bildirib ki, Avropa İttifaqı (Aİ) artıq Rusiyaya qarşı 19-cu sanksiyalar paketi üzərində işləyir. Onun sözlərinə görə, Brüssel onu sentyabrda qəbul etməyi gözləyir.
Aİ Şurası iyulun 18-də 18-ci sanksiyalar paketini təsdiqləyib. Məhdudiyyətlər rusiyalı 18 fiziki və 41 hüquqi şəxsə şamil edilib. Paketə Rusiya xammalından neft məhsullarının satışına qadağa, 22 bank üçün əlavə məhdudiyyətlər, o cümlədən “Şimal axını” və “Şimal axını 2” ilə hər hansı tranzaksiyaların qadağan edilməsi daxil olub. Bundan əlavə, 18-ci sanksiya paketi çərçivəsində Rusiya neftinin bir barelinin qiymət tavanı 60 dollardan 47 dollara endirilib.
