"Nəticəyə görə özümü xoşbəxt hiss edirəm".
Offsideplus.az xəbər verir ki, bunu Bolqarıstanın "Levski" komandasının baş məşqçisi Xulio Velaskes "Sabah"a qarşı keçirdikləri UEFA Konfrans Liqasının III təsnifat mərhələsinin cavab oyunundan sonra mətbuat konfransında deyib.
Mütəxəssis 2:0 hesablı qələbə ilə bağlı fikirlərini bölüşüb:
"İlk dəqiqələrdən etibarən komanda qarşıya qoyulan məqsədə nail olmaq üçün əlindən gələni etməyə başladı. Çətin anlar da oldu. Rəqib fərdi olaraq keyfiyyətli futbolçulardna təşkil olunub. Bəzi məqamlarda bu bizə çətin anlar yaşatdı. Ancaq əsas odur ki, məqsədimizə çatdıq.
İlk oyunla müqayisədə starta baxanda görə bilərsiniz ki, cəmi bir oyunçu dəyişikliyi olmuşdu. Komanda ilk dəqiqələrdən etibarən bilirdi ki, nəyi necə etməlidir. Ona görə də bu matçda daha rahat görünürdük".
Qeyd edək ki, "Sabah" - "Levski" görüşü qonaqların 2:0 hesablı qələbəsi ilə bitib.
