AZ

Erik Lamela futbolçu karyerasını bitirdi

Futbol üzrə Argentina milli komandasının və Yunanıstanın AEK klubunun sağ vingeri Erik Lamela karyerasına yekun vurub.

Arena.az xəbər verir ki, o, 33 yaşında futbolçu karyerasını başa vurmağa qərar verib.

Lamela 2024-cü ilin yayından Yunanıstanın AEK klubunda çıxış edirdi. Lakin ötən gün Afina təmsilçisi ilə müqaviləsinə xitam vermiş futbolçu karyerasını da bitirdiyini bəyan edib.

Argentinalı futbolçu AEK-in heyətində bütövlükdə 31 oyuna çıxıb, 6 qol və 3 məhsuldar ötürmə müəllifi olub.

Argentinanın “River Pleyt” klubunun yetirməsi olan Erik Lamela sonralar “Roma”, “Tottenhem” və “Sevilya”da da forma geyinib. Onun bu klubların heyətindəki statistikaı belədir:

Tottenhem – 257 oyun, 37 qol, 46 assist
Sevilya – 92 oyun, 16 qol, 7 assist
Roma – 67 oyun, 21 qol, 14 assist
River Pleyt – 36 oyun, 4 qol, 6 assist

Lamela 2011-ci ilin may ayında debüt etdiyi Argentina milli komandasının heyətində 25 oyuna çıxıb, 3 qol vurub, 2 assistlə yadda qalıb.

Argentinalı bundan sonra 2021-2024-cü illərdə formasını geyindiyi “Sevilya”nın məşqçilər korpusunda yer alacaq. Hansı ki, o, İspaniya klubunun heyətində 2022/2023-cü illər mövsümündə Avropa Konfrans Liqasının qalibi olub.

Sonda onu da xatırladaq ki, Lamelanın 2021-ci ildə “Arsenal”ın qapısına vurduğu qol ilin ən yaxşı qolu mükafatı – Puşkaş mükafatına layiq görülüb.

Seçilən
38
arena.az

1Mənbələr