Qazaxıstan prezidenti Kasım-Jomart Tokayev bəyan edib ki, ölkədə hakimiyyətdə “ailə-klan sistemi” tamamilə ləğv olunub.
“Dövlət qulluğunda meritokratiya prinsipi tətbiq olunur. Vəzifələrə təyinat zamanı ilk növbədə bilik və peşəkarlıq nəzərə alınır”, – deyə o, müəllimlər konfransında bildirib.
Dövlət başçısının sözlərinə görə, həyata keçirilən genişmiqyaslı islahatlar nəticəsində “qanuna və qaydaya hörmət sarsılmaz prinsipə” çevrilir.
Xatırladaq ki, 2022-ci ilin yanvarında Qazaxıstanda kütləvi etiraz aksiyaları baş vermişdi. Etirazlar əvvəlcə Janaozen və Aktau şəhərlərində mayeləşdirilmiş qazın qiymətinin ikiqat artırılmasına qarşı başlamış, sonra isə ölkənin digər şəhərlərinə yayılmışdı.
//Samir Qurbanov, Editor.az
