ABŞ prezidenti Donald Tramp bildirib ki, Rusiya prezidenti Vladimir Putinlə görüşü yaxşı keçməsə, “uzaqlaşacaq”.
Tramp Fox News-a danışaraq, bu gün Alyaskada keçiriləcək ABŞ-Rusiya zirvəsini dəyərləndirib.

Prezident Tramp Putinlə görüşmək üçün yolda olduğunu və görüşün yaxşı keçəcəyinə inandığını bildirib.

Görüş zamanı fikir ayrılığının yaranma ehtimalına toxunan Tramp, "İşlər yaxşı getməsə, tez evə gedəcəm. Sadəcə uzaqlaşacam" deyib.

Anadolu Agentliyinin WhatsApp kanallarına qoşulun və mühüm yenilikləri birbaşa cibinizdə alın.

ABŞ prezidenti Tramp və Putin bu gün Alyaskanın Ankoric şəhərində görüşəcək.

Dünən Fox News Radiosuna potensial atəşkəslə bağlı danışan Tramp, "Atəşkəsin dərhal əldə edilib-edilməyəcəyini bilmirəm, amma bunun baş verəcəyini düşünürəm" dedi.

ABŞ prezidenti Putinin indi razılığa gəlmək istədiyinə inandığını vurğulayıb və bəyan edib ki, əgər ilk görüş uğurlu olarsa, o, iki lider arasında ikinci sammiti təşkil etmək üçün dərhal Ukrayna prezidenti Vladimir Zelenskiyə zəng edəcək.

"Bu ilk görüş ikinci görüş üçün zəmin hazırlayacaq. İkinci görüş çox əhəmiyyətli olacaq, çünki bu görüşdə razılığa gələ bilərlər. Sərhədlər və ərazi ilə bağlı bəzi güzəştlər olacaq" deyən Tramp sammitin baş tutmama ehtimalının 25 faiz olduğunu bildirib.

Tramp Alyaska sammitində Rusiya-Ukrayna müharibəsinə son qoyacaq bir həll yolu tapmasa, Rusiyaya qarşı sanksiyalar tətbiq edəcəyini bir daha vurğulayıb.

aia.az
Tərcümə şöbəsi

• Putin
• Sammit
• Dünya
• Tramp