Tovuzda piyadanın ölümü ilə nəticələnən yol qəzası baş verib.
“Qafqazinfo”nun məlumatına görə, hadisə rayonun Aşağı Quşçu kəndində qeydə alınıb.
Belə ki, Ramal Mürşüdov idarə etdiyi “VAZ21 07” markalı avtomobillə qonşusu, 1950-ci il təvəllüdlü Solmaz Mejdinovanı vurub.
Qadın aldığı xəsarətlərdən hadisə yerindəcə keçinib.
İlkin məlumata görə, R.Mürşüdov hadisəni ehtiyatsızlıqdan törədib.
Faktla bağlı araşdırmaya başlanılıb.
Tovuzun Yuxarı Öysüzlü kəndinda maşınla vurulan başqa bir piyada vəfat edib.
Kənd sakini 1975-ci il təvəllüdlü Elbrus Qarayev həkimlərin səyinə baxmayaraq xəstəxanada dünyasını dəyişib.
İlkin məlumata görə, hər iki hadisə ehtiyatsızlıqdan baş verib.
Faktlarla bağlı araşdırmalar başlanılıb.
Yunis Quliyev
