Ukrayna Silahlı Qüvvələrinin desant-hücum briqadasının bölmələri Petrovka yaxınlığında rus qoşunlarının qarşısını alıb və onları əsir götürüb.

Reyting.az xəbər verir ki, bunu briqadanın rabitə şöbəsindən bildiriblər.

“3-cü hava desant-hücum batalyonunun səlahiyyətli komandanlığı və koordinasiyalı hərəkətləri işğalçıların irəliləməsinə imkan verməyib. Düşmən Petrovkadan çıxarılıb və yaşayış məntəqəsi təmizlənib. Düşmənin heç bir şansı yox idi - yalnız itkilər və panika. Bizim əsgərlərimiz aydın, peşəkar və sərt hərəkət ediblər”, - məlumatda qeyd olunur.

Briqadanın yaydığı videoda Bukovina desantlarının hərəkətləri və rusları necə əsir götürdükləri epizodlar əks olunub.

Xatırladaq ki, Ukrayna Müdafiə Qüvvələri cəbhənin bir neçə bölgəsində rusları sıxışdırıb.

Müharibənin Tədqiqi İnstitutunun (ISW) məlumatına görə, xüsusilə, avqustun 15-16-da ruslar Novokonstantinovka, Varaçino və Yunakovka yaxınlığında hücuma keçsələr də, Sumı vilayətinin şimalında uğur qazana bilməyiblər.

ELÇİN