Rəsmi Kiyev müharibə zamanı dəymiş ziyana görə Moskvadan tam təzminat tələb etməkdə israrlıdır.
"Report"un "Financial Times"a istinadən verdiyi xəbərə görə, bu barədə ABŞ-nin Ağ Evdə təqdim etdiyi, Ukraynanın təklifləri olan sənəddə deyilir.
Məlumata görə, kompensasiya 300 milyard dollar həcmində Rusiyanın Qərb ölkələrində dondurulmuş suveren aktivləri hesabına ödənilə bilər.
“Sanksiyaların istənilən yumşaldılması yalnız Rusiya gələcək sülh sazişinə əməl edəcəyi və ədalətli oynadığı halda təmin edilməlidir”, - sənəddə deyilir.
Ukrayna həmçinin hesab edir ki, Rusiyanın uzunmüddətli sülh sazişi üzrə növbəti danışıqlardan əvvəl ərazi məsələlərini həll etmək cəhdi yerdə bitmiş nəticə yaradacaq və Kiyevin gələcək təhlükəsizliyini təminatı üçün heç nə etməyəcək.
