Qazaxıstanın Aktau şəhərində türkdilli ölkələrin komandaları arasında keçiriləcək "Turan Cup 2025" futbol turnirinə start veriləcək.
Sportinfo.az xəbər verir ki, "Qarabağ"ın 15 yaşadək futbolçulardan ibarət komandası da yarışda iştirak edəcək.
Turnirdə "Qarabağ"la yanaşı, "Fənərbağça", "Rizəspor" (hər ikisi Türkiyə), "Bunyodkor", "Paxtakor" (hər ikisi Özbəkistan), Bişkek Milli Akademiyası (Qırğızıstan), "Kaspiy", "Kayrat" (hər ikisi Qazaxıstan) da mübarizə aparacaq.
Turnir avqustun 25-nə qədər davam edəcək.
