Hamiləlik dövründə sümük sağlamlığını qorumaq üçün bəzi vacib vərdişlərə əməl etmək lazımdır.
Pravda.az xatırladır ki, sümük əriməsi, xüsusilə 30 yaşdan sonra qadınlar arasında yayılmış problemdir. Lakin düzgün qidalanma və həyat tərzi ilə bu riski azaltmaq mümkündür.
Mütəmadi idman edin:
Hamiləliyə uyğun sadə məşqlərlə həm öz sağlamlığınızı, həm də körpənizin inkişafını dəstəkləyə bilərsiniz.
Qidalanmanıza fikir verin:
Kalsium və fosforla zəngin məhsulları (süd məhsulları, balıq, yumurta) gündəlik rasiona daxil edin. Gerekirsə dietoloqdan dəstək alın.
Vitamin və mineral dəstəyi alın:
Bəzi vitamin və mineralları qidalarla tam almaq mümkün olmaya bilər. Xüsusilə D vitamini hamiləliyin son aylarında tövsiyə olunur.
Tütün məhsullarından uzaq durun:
Siqaret və digər tütün məhsulları sümüklərin zəifləməsinə və dölə zərər verməsinə səbəb ola bilər.
Duz istifadəsini azaldın:
Həddindən artıq duz qəbul etmək sümük sıxlığını azaldır. Yeməklərdə duz miqdarına diqqət edin.
Kollagen və C vitamini qəbul edin:
Kollagen sümüklərin əsas struktur zülalıdır. C vitamini isə onun istehsalını artırır. Bu maddələri qidalar və ya əlavələrlə təmin edin.
Kofein qəbulunu məhdudlaşdırın:
Gündə 2 fincandan çox qəhvə içmək sümük əriməsini sürətləndirə bilər. Çay və qəhvəni azaldın.
Yuxu rejiminizi qoruyun:
Gündə 7-8 saatlıq keyfiyyətli yuxu həm ananın, həm də körpənin sağlamlığı üçün vacibdir.
Qısacası, hamiləlik dövründə sağlam və güclü sümüklər üçün balanslı həyat tərzi, düzgün qidalanma və zərərli vərdişlərdən uzaq durmaq əsas şərtdir.
Əminə Bayramova
