“Dünyanın heç bir ölkəsində belə təhlükəli ərazilərdə tikintiyə icazə verilmir. Bu, faciəni daha da ağırlaşdıran insan səhvidir”. Şahbaz Şərif risk zonalarında inşaat işlərinə qadağa qoymağa çağıraraq, fəlakətlərin qarşısının alınması və inkişafın düzgün tənzimlənməsi üçün bütün əyalət rəhbərlərinin fövqəladə toplantısını keçirəcəyini açıqlayıb. O, həmçinin meşələrin qırılmasının daşqınların ağır nəticələrinə təsir etdiyini vurğulayıb:
“Əgər ağaclar qorunsaydı, su və qaya kütlələrinin qarşısını ala bilərdilər. Ona görə də meşələrin mühafizəsi üçün ümummilli hərəkata başlamaq lazımdır”. Qeyd edək ki, Pakistanda musson mövsümü adətən iyundan sentyabradək davam edir. Bu dövrdə kənd təsərrüfatı üçün həyati əhəmiyyət kəsb edən yağışlar eyni zamanda daşqın və digər təbii fəlakətlərə səbəb olur. Sinoptiklər güclü leysanların sentyabrın ortalarınadək davam edəcəyini proqnozlaşdırırlar.
