Nigerdə uşaqların təhsil imkanlarını artırmaq məqsədilə “Education Cannot Wait” təşkilatı və strateji donor tərəfdaşları tərəfindən 7 milyon ABŞ dolları məbləğində yeni maliyyə dəstəyi ayrılıb.
AzEdu.az xarici mənbədə aldığı məlumata əsasən xəbər verir ki, vəsait ölkədə təhsil böhranını yüngülləşdirmək və uşaqların davamlı təhsil almasını təmin etmək üçün istifadə olunacaq. Layihə çərçivəsində məktəb infrastrukturunun yaxşılaşdırılması, müəllimlərin peşəkar hazırlığının gücləndirilməsi və ən çətin şəraitdə yaşayan uşaqlar üçün dərs materiallarının təmin edilməsi planlaşdırılır.
Təşkilat bildirir ki, Nigerdəki uşaqların təhsili uzun müddətdir ciddi çağırışlarla üzləşir və bu investisiya onların gələcək perspektivlərini artırmaq üçün vacib hesab olunur.
