ain.az, Avtosfer saytından verilən məlumata əsaslanaraq xəbər yayır.
Bu gün bir çox avtomobildə standart halına gələn texnologiyalar sürücülük rahatlığını artırsa da mühərrikin ömrünə ciddi mənfi təsir göstərir.
Avtosfer.az xəbər verir ki, mütəxəssislər sürücülərə xəbərdarlıq edərək tez-tez istifadə edilən xüsusiyyətin mühərrikin ömrünü yarıya endirdiyini bildirib.
Mütəxəssislərin sözlərinə görə, mühərrik üçün ən çətin an işə salma vaxtıdır. Mühərrikdəki aşınmanın 97 faizi məhz ilk işə salma zamanı baş verir. Çünki yağlayıcı mayelər hələ komponentlərə tam çatmamış hissələr bir-birinə sürtülməyə başlayır.
Ən çox zərər verən funksiyalardan biri isə krossoverlərdə və premium sedanlarda geniş istifadə olunan avtomatik mühərriki işə salma sistemidir. Mexaniklərin fikrincə, bu xüsusiyyət mühərrikin ömrünü xeyli azaldır və söndürülməsi vacibdir. Bunun üçün sadəcə avtomobilin idarə panelində adətən “A” hərfi və dairəvi ox işarəsi ilə göstərilən düyməni söndürmək kifayətdir.
Mütəxəssislər bu funksiyanı belə izah edir: “Bu, kompüterinizi yuxu rejiminə keçirmək əvəzinə gündə on dəfə açıb-söndürməyə bənzəyir. Rahatlıq üçün mühərrikin ömrü qurban verilir”.
Mexaniklər, həmçinin, daim soyuq mühərrikin işə salınmasının böyük problemlərə səbəb ola biləcəyini bildirirlər. Avtomobil servislərinə gətirilən nəqliyyat vasitələrinin əksəriyyətində yağ nasosu və silindr laynerində nasazlıqlar müşahidə olunur ki, bu da çox vaxt avtomatik işə salma vərdişindən qaynaqlanır.
Avtomobil ekspertləri sürücülərə xəbərdarlıq edirlər ki, bu xırda detalın nəzərə alınmaması böyük maliyyə itkiləri yarada bilər. Çünki mühərrikin əsaslı təmiri və ya dəyişdirilməsi ilə yanaşı, yedəkləmə və əlavə xərclər də avtomobil sahibləri üçün ciddi problemə çevrilir.
Eltac Zülfüqaroğlu
Ən son xəbərləri və yenilikləri almaq üçün ain.az saytını izləyin.
