ABŞ prezidenti Donald Tramp bildirib ki, yaxın iki həftə ərzində Ukrayna münaqişəsinin sülh yolu ilə həlli məsələsinə aydınlıq gələcək.
Publika.az xəbər verir ki, o, bu barədə jurnalist Todd Starness ilə söhbətində deyib.
Ağ Ev rəhbəri bu müddətdən sonra Vaşinqtonun gələcək siyasətinə qərar verəcəyini açıqlayıb. O, həmçinin bu məsələyə yanaşmanın dəyişə biləcəyini izah edib. "Biz bunu tezliklə öyrənəcəyik", - deyə ABŞ lideri qeyd edib.
"Deyərdim ki, iki həftə ərzində biz bu və ya digər şəkildə biləcəyik. Bundan sonra fərqli yanaşmamız lazım ola bilər", - Donald Tramp vurğulayıb.
Tramp deyib ki, Ukraynadakı münaqişəni “məqbul dərəcədə qısa müddətdə” bitirmək mümkündür
Avqustun əvvəlində Tramp Ukraynadakı münaqişənin həllinə dair razılaşmanın vaxtını qiymətləndirməkdən imtina edib. O, əvvəllər məyus olduğu üçün sövdələşmənin yaxın olub-olmaması barədə danışmaq istəmədiyini izah edib. Lakin avqustun 15-də Alyaskada Rusiya prezidenti Vladimir Putinlə görüşdən sonra Ağ Ev rəhbəri bildirib ki, Ukraynadakı münaqişə nisbətən qısa müddətdə bitə bilər.
