Kəlbəcərdə 3-cü yaşayış kompleksində 476 mənzilin inşası planlaşdırılıb. Bu barədə Kəlbəcər parkına media-tur zamanı jurnalistlərə məlumat verilib.
Məlumata görə, kompleksinin ümumi ərazisi 7,6 hektar olacaq. Burada 4 və 5 mərtəbəli 29 bina tikiləcək. Kompleksdə 476 mənzilin inşası planlaşdırılıb.
Prezident İlham Əliyev və birinci xanım Mehriban Əliyeva avqustun 21-də Kəlbəcərdə 4-cü yaşayış kompleksinin təməlqoyma mərasimində iştirak ediblər.
Ötən il ölkə ərazisində məskunlaşmış 2 615 ailə olmaqla 10 min 233 nəfər Qarabağ və Şərqi Zəngəzura köçürülüb. Hazırda sözügedən ərazilərdə 30 min nəfərdən çox şəxs yaşayır.
Aytac Zeynalova
