Rumıniya Futbol Federasiyası ölkə çempionatının üçüncü divizionunda çıxış edən "Universitatea Krayova" klubunun hesabından yeni mövsüm başlamazdan əvvəl 94 xal silmək qərarı verib.
Publika.az xəbər verir ki, bu barədə "Voetbal International" məlumat yayıb.
Qeyd olunur ki, bu addım futbolçular və məşqçilərə olan ödənilməmiş borclar, həmçinin 2023-cü ildə keçirilən Rumıniya Kuboku oyununa görə Buxarest "Dinamo"suna qarşı maliyyə öhdəliklərinin yerinə yetirilməməsi ilə bağlıdır.
Xal silinməsi birdəfəlik tədbir deyil, əvvəlki sanksiyaların davamı kimi tətbiq olunub. Krayova klubuna borclarını 3 sentyabra qədər ödəmək imkanı verilib.
