Harri Keyn Bundesliqanın 1-ci turu çərçivəsində “Leypsiq”ə qarşı oyunda (6:0) het-trik edib.
İdman.biz xəbər verir ki, ümumilikdə “Bavariya”nın hücumçusu Almaniya çempionatında 64 oyunda 65 qol vurub.
Bu, ingiltərəli futbolçunun Münhen klubuna keçdiyi 2023/24-cü illər mövsümündən bəri Avropanın aparıcı 5 liqasında ən yaxşı göstəricidir. Keynin ən yaxın izləyicisinin həmin dövr ərzində 59 qolu var.
Həmçinin Keyn Bundesliqada 8-ci het-trikinə imza atıb - bu onun “Tottenhem”də Premyer Liqada keçirdiyi 10 mövsüm ərzində etdiyi het-triklərin sayı ilə eynidir.
İdman.biz
