Xaçmaz rayonunun Xudat şəhəri ərazisində yol-nəqliyyat hadisəsi baş verib.
Referans Teleqraf-a istinadən xəbər verir ki, hərəkətdə olan “Hyundai” markalı, 50 FG 288 dövlət nömrə nişanlı avtomobilin sürücüsü idarəetməni itirərək yol kənarındakı kanala düşüb.
Avtomobildə ailə üzvləri olub. Hadisə zamanı yoldan keçən vətəndaşların köməyi ilə onlar xəsarət almadan nəqliyyat vasitəsindən çıxarılıb. Avtomobil isə kanalda bir neçə metr irəliləyib.
Hadisə ilə bağlı aidiyyəti qurumlar məlumatlandırılıb.
Faktla bağlı araşdırma aparılır.
