ain.az, Baku.ws saytından verilən məlumata əsaslanaraq xəbər yayır.
Kardioloqlar ürək çatışmazlığının dünya üzrə ölüm səbəbləri arasında ilk sıralarda yer aldığını bildirirlər.
BAKU.WS xəbər verir ki, mütəxəssislərin sözlərinə görə, xəstəliyin yaranmasına əsasən aşağıdakı amillər təsir göstərir:
-Yüksək təzyiq və xolesterin – uzun müddət nəzarətsiz qalan arterial hipertenziya ürək əzələsini zəiflədir.
-İşemik ürək xəstəliyi – damarların daralması nəticəsində ürək qanla kifayət qədər təmin olunmur.
-Piylənmə və şəkərli diabet – metabolik pozuntular ürəyin işinə mənfi təsir göstərir.
-Pis vərdişlər – siqaret çəkmək, spirtli içkilərdən sui-istifadə də əsas risk faktorları sırasındadır.
Mütəxəssislər bildirirlər ki, xəstəliyin qarşısını almaq üçün sağlam həyat tərzi mühüm rol oynayır. Bunun üçün:
-Qidalanmada duzun və yağın miqdarı azaldılmalı;
-Hər gün 30 dəqiqəlik yüngül fiziki aktivlik həyata keçirilməli;
-Siqaretdən və alkoqoldan uzaq durulmalı;
-Qan təzyiqi və şəkər mütəmadi olaraq nəzarətdə saxlanılmalıdır.
Həkimlər həmçinin qeyd edirlər ki, ürək çatışmazlığı əlamətləri – nəfəs darlığı, şişkinlik, tez yorulma kimi simptomlar aşkarlandıqda, dərhal kardioloqa müraciət edilməlidir.
Ən son xəbərləri və yenilikləri almaq üçün ain.az saytını izləyin.
