Rumıniya Ukraynaya növbəti – artıq 23-cü hərbi yardım paketini yaxın zamanda təqdim edəcək.
APA xəbər verir ki, bu barədə Ukraynanın müdafiə naziri Denis Şmıqal Kiyevdə Rumıniyanın müdafiə naziri Liviu-Ionut Moșteanu ilə görüşdən sonra özünün “Facebook” səhifəsində məlumat verib.
Urkaynalı nazir Rumıniyanın əsas istiqamətlər üzrə ciddi dəstəyinə görə təşəkkürünü bildirib.
“Rumıniya, həmçinin F-16 təyyarələri üçün ukraynalı pilotların təlimini davam etdirir və hava hücumundan müdafiə sistemimizin qurulmasına digər mühüm töhfələr verir,” – o qeyd edib.
Şmıqalın sözlərinə görə, görüşdə hava müdafiə qüvvələri arasında koordinasiyanın gücləndirilməsi razılaşdırılıb.
