“Ukrayna üçün təhlükəsizlik təminatının xüsusiyyətləri hələ müzakirə edilməyib”.
Yeniavaz.com xəbər verir ki, bunu ABŞ Prezidenti Donald Tramp Ağ Evdə bir sıra yeni fərmanların imzalanması mərasimində jurnalistlərin suallarını cavablandırarkən deyib.
ABŞ lideri bildirib ki, Avropa ölkələri üzərinə mühüm öhdəliklər götürməli olacaqlar:
“Təhlükəsizlik təminatlarının nə olacağını bilmirik, çünki konkret detalları hələ müzakirə etməmişik. Baxacağıq. İlk növbədə, Avropa onlara lazım olduğu kimi əhəmiyyətli təhlükəsizlik zəmanətləri verəcək, çünki onlar oradadırlar. Biz isə onlara dəstək vermək baxımından iştirak edəcəyik”.
